Хэнтий аймаг 2022 оныг “Хүүхдийн хөгжил, хамгааллын жил” болгон зарлаж албан ёсоор нээлтээ хийлээ

 Аймгийн Засаг даргын 2020-2024 онд хэрэгжүүлэх үйл ажиллагааны мөрийн хөтөлбөрт Хэнтий аймгийг ХҮҮХДЭД ЭЭЛТЭЙ аймаг болгох, хүүхдийн хөгжлийг дэмжих замаар хүчирхийллийг бууруулах, хүүхдийн асуудлаар анхан шатны нэгж дээр ажиллагсдыг чадавхжуулах, хүүхдийн асуудлыг бүх нийтийн үйл хэрэг болгож, нөлөөллийн ажлыг өргөн цар хүрээтэй зохион байгуулахаар өнөөдөр "ХҮҮХДИЙН ХӨГЖИЛ, ХАМГААЛЛЫН ЖИЛ"-ийн нээлтээ хийлээ.

Нээлтэнд: Аймгийн Засаг дарга Ц.Чогсомжав, Засаг даргын орлогч Л.Батсайхан, АЗДТГазрын дарга Ж.Ганбаатар, ЗГХА ГБХЗХГ-ын дарга Г.Батдорж, аймгийн агентлаг, хэлтсийн дарга нарын төлөөлөл, сумдын удирдлага, мэргэжилтнүүд, эцэг эх, хүүхдүүдийн төлөөллүүд оролцлоо.

Сүүлийн 2 жилийн хугацаанд Ковид-19 цар тахлын улмаас сурагчдын хичээлийн хоцрогдол бий болж, секц дугуйландаа хамрагдаж чадаагүйгээс хүүхдүүдийн хөгжилд нөлөөлснөөс гадна гэр бүлийн хүүхдийн тоо нэмэгдэх хандлагатай болсонд онцгой анхаарч аймгийн ИТХ-д асуудал дэвшүүлэн, аймгийн ИТХ-ын 2022 оны 01 дүгээр сарын 9 дүгээр хуралдаанаар 2022 оныг “ХҮҮХДИЙН ХӨГЖИЛ, ХАМГААЛЛЫН ЖИЛ” болгон зарласан билээ.