0-2 сартай нярай харах үйлчилгээг Энх-Амаржин эх нярайн сувилал нэвтрүүллээ

Төрсний дараах эх нярайн асаргаа сувилгаагаар дэлхийд тэргүүлэгч БНСУ-ын стандартыг Монголд 8 жилийн өмнө амжилттай нутагшуулсан “Энх-Амаржин” эх нярайн сувилахуйн төв 0-2 сартай нярай харах өдрийн үйлчилгээг шинээр нэвтрүүллээ.

Монгол Улсын эх нярайн сувилахуйн стандартыг шинэ түвшинд гаргасан “Энх-Амаржин” эх нярайн сувилал нярай харах үйлчилгээг өөрийн сувиллаар үйлчлүүлсэн үйлчлүүлэгчид дээрээ сүүлийн 3 жил амжилттай туршсан ба дөнгөж төрсөн эхчүүдийн өмнө тулгардаг олон асуудлыг шийдвэрлэхэд дэмтэй, эрэлт өндөр үйлчилгээ байсан тул ийнхүү олон нийтэд танилцуулж байна.

Өдрөөр нярай харах үйлчилгээндээ зориулан тус хамт олон сувилал дээрээ тусгай өрөө гаргасан ба хүүхдээ асруулахаар ирж буй аав ээжүүд хүүхдийнхээ памперс, сүү, солих хувцас, хүүхдийн тос, ариун цэврийн хэрэглэл зэргийг авчирч хүүхдийнхээ эрүүл мэндийн талаарх асуулгыг үнэн зөв бөглөн хүүхдээ хүлээлгэн өгөх юм.

Хүлээж авсан нярайг хооллох, унтуулах, живх солих, бөгс арчилгаа хийх, нүд, хамар цэвэрлэх тайвшруулах болон шингэц дэмжих массаж хийх зэрэг үйлчилгээг үзүүлж ээж аавыг нь ирэхэд хооллолт, унтлагын мэдээлэл, живх сольсон давтамж, ерөнхий ажиглалт, илэрсэн онцлог зэргийг мэдээллэнэ. Нэмэлтээр усанд оруулах, булчин суллах массаж хийх, эмчийн үзлэг хийх үйлчилгээнүүдийг үзүүлж байна.

Халуунтай, амьсгалын замын халдварын шинж тэмдэгтэй, бөөлжилт, суулгалттай, халдварт өвчний сэжигтэй, эмнэлгийн яаралтай хяналт шаардлагатай нярайг хүлээн авахгүй юм байна. 

“Энх-Амаржин” эх нярайн сувилал Үндэсний цэцэрлэгт хүрээлэнгийн ард Саншайн виллажид байрладаг ба нярайн өдрийн асаргаа үйлчилгээ авахаар бол 77008884, 99998884 дугаарын утсаар холбогдоно уу.