"Зариг" сайт бүл нэмлээ

“Ган Үзэгтэн” ХХК-ийн  zarig.mn видео сайт бүтцийн хувьд илүү өргөжиж, шинэчлэгдэхээр ажиллаж байгаатай холбоотойгоор бүл нэмж,  сэтгүүлч М.Ариунжаргал манай сайтад ажиллахаар боллоо.

Сэтгүүлч М.Ариунжаргал нь  2015 онд СУИС-ийн Радио телевиз, медиа урлагийн сургуулийг сэтгүүлч мэргэжлээр төгсөөд,  25-р суваг телевизийн мэдээний албанд сэтгүүлчээс ажлын гараагаа эхэлсэн. Улмаар 2017-2018  он хүртэл VTВ телевизийн мэдээний албаны парламентын сэтгүүлчээр ажиллаж байгаад 2018 оны дөрөвдүгээр сараас эхлэн тв5 телевизийн улс төр мэдээллийн албанд парламентын үйл ажиллагааг сурвалжилж мөн гаргагч редактор, мэдээний анкороор тус тус дөрвөн жил ажилласан туршлагатай сэтгүүлч юм.