Байден Хятадад анхааруулга өгнө гэжээ

АНУ-ын Ерөнхийлөгч Жо Байден өнөөдөр БНХАУ-ын Тэргүүлэгч Си Жинпинтэй утсаар ярихдаа ОХУ, Путиныдэмжсэн нөхцөлд хариуцлага хүлээх талаар анхааруулга өгөхөөр болжээ. Энэ тухай АНУ-ын Төрийн нарийн бичгийн дарга Энтони Блинкен урьдчилан мэдэгдсэн байна.

 Блинкен мэдэгдэхдээ бүс улс орныг Украйн дах дайныг нэн даруй зогсоохын тулд Орос улс, Ерөнхийлөгч Путиннөлөөлж болох бүх аргаа ашиглахыг уриалж байгаа юм байна. Ийм улсуудын дотроос БНХАУ нь нэр нөлөөгөө заавал ашиглах ёстой байтал Бээжин нь дайныг шүүмжлээгүй төдийгүй төвийн сахисан шүүгчийн үүрэг гүйцэтгэхийг оролдож байна гэж шүүмжилжээ. Түүнчлэн Хятадын эрх баригчид ОХУ-д Украйны дайнд ашиглах боломжтой байлдааны зэвсэг техникээр тусалж магадгүй байгаад ихээхэн сэтгэл түгшиж байгаагаа илэрхийлсэн байна.

 Үүнээс өмнө Цагаан ордны албан ёсны төлөөлөгч ЖенПсаки нь Украйны дайнаас болж Оросын эсрэг хориг арга хэмжээг Хятадын тал зөрчвөл ноцтой үр дагавартай тулгарна гэж анхааруулаад байсан юм. АНУ нь Хятадыг Оросоос шатдаг хий, газрын тос худалдан авахаа зогсоохыг шаардаж байгаа юм. Эдгээрийн тоонд ОХУ-ын нутгаас Хятад руу тавих байгалийн шатдаг хий дамжуулах хоолойны том төслүүд багтаж байгаа аж. Гэвч Бээжин нь АНУ-ын хориг арга хэмжээний эсрэг хууль баталж, өөрсдийн эрх ашгийг хамгаалах хууль эрх зүйн үндэстэй болсон. Энэ хуулийг гуравдагч улсын эсрэг АНУ-ын зүгээс авсан арга хориг арга хэмжээг дагасан Хятадын компаниудад торгууль ногдуулахаар болсон аж.