Дархан-Уул аймгийн Түргэн тусламжийн тасаг дуудлагын автомашиныхаа тоог нэмлээ

Дархан-Уул аймаг ижил түвшний гадаадын 21 муж, хотуудтай найрамдал хамтын ажиллагаа, ах дүүгийн харилцаатай. Эдгээр найрамдалт харилцаатай 21 аймгийн нэг болох БНСУ-ын Кёнги аймаг юм.
Найрамдалт харилцаа, хамтын ажиллагааны хүрээнд түргэн тусламжийн хоёр автомашиныг буцалтгүй тусламжаар хүлээлгэн өгсөн бөгөөд өнөөдөр /2022.03.14/ Түргэн тусламжийн тасагт өглөө.
Манай аймаг БНСУ-ын Кёнги аймагтай 2014 онд Хамтын ажиллагааны санамж бичигт гарын үсэг зурсан. Тус санамж бичгийн хүрээнд 2 тал хэд хэдэн удаа харилцан айлчлал хийж аялал жуулчлал, эрүүл мэндийн салбарт идэвхтэй хамтын ажиллагаатай билээ.

Автомашины тоог нэмэгдүүлснээр түргэн тусламжийн үйлчилгээний чанар хүртээмж сайжирч иргэдэд түргэн шуурхай эрүүл мэндийн үйлчилгээг үзүүлэх боломж бүрдэж байгаагаараа ач холбогдолтой юм.

Европын Холбоо нь тогтвортой хөгжилд хувь нэмрээ оруулж, нүүрстөрөгч багатай нөөцийн хэмнэлттэй тойрог эдийн засаг руу шилжих явдлыг үргэлж дэмжин ажилладаг. Европын холбооны дэмжлэгээр хэрэгжиж буй төслөөр дамжуулан Булган аймаг болон Хишиг-Өндөр суманд хуванцар хог хаягдлын үр ашигтай менежментийн системийг бий болгох, хуванцар хог хаягдал дахин боловсруулах салбарыг анхаарч дэмжиж байна гэж тус холбооноос МУ-д суугаа Онц бөгөөд Бүрэн эрхт элчин сайд хатагтай Аксель Никейз хэллээ.

Ажлын айлчлалын баг төсөл хэрэгжиж буй газрууд болох Эрдмийн өргөө цогцолбор, З-р сургууль болон төсөл хэрэгжилтэд оролцож байгаа Иргэний нийгмийн байгууллага хувийн хэвшлийнхэнтэй уулзалт хийгээд 03 сарын 15 нд Хишиг-Өндөр суманд ажиллах юм.