Байден сэтгүүлчдийг алмайруулжээ

АНУ-ын Ерөнхийлөгч Жо Байден БНХАУ-ын Тэргүүлэгч Си Жинпинтэй онлайн уулзалт хийсний дараа сэтгүүлчдийн асуултад тун өвөрмөц хариулт өгч алмайруулсан байна.

Сэтгүүлчид удахгүй болох Бээжингийн Өвлийн Олимпын тоглолтод АНУ удирдлага албан ёсны төлөөлөгчдийн бүрэлдэхүүнийг явуулах эсэх талаар асуухад Байден “Би бол төлөөлөгчдийн бүрэлдэхүүн” гэж хариулжээ. Ийм хариулт сонссон сэтгүүлчдийн юу гэж ойлгохоо мэдэхгүй гацаж, алмайрсан юм байна.

 АНУ ба БНХАУ-ын төрийн тэргүүнүүдийн онлайн уулзалт болохын өмнөхөн Washington Post сонин нь Вашингтоныг Олимпын тоглолтод дипломат бойкот зарлахаар болсон тухай мэдээлээд байсан юм. Дипломат бойкот гэдэг нь тоглолтод Засгийн газрын төлөөлөл болсон нэг ч албаны хүнийг явуулахгүй гэсэн үг юм. Тэгэхээр Бээжингийн Өвлийн тоглолтод оролцохоор Байден ч тэр, түүний захиргааны өөр ямар нэг ажилтан ч тэр очихгүй гэсэн үг юм. Гэхдээ дипломат бойкот нь АНУ-ын тамирчдыг Олимпод оролцоход ямар нэг байдлаар нөлөөлөхгүй гэжээ.