Шинээр илэрсэн тохиолдол төмөр замтай холбогдохгүй байгаа нь аюулын харанга болж байна

Дорноговь аймгийн Онцгой комисс хэвлэлийн хурал хийжээ. Мэдээллийн эхэнд Дорноговь аймгийн Эрүүл мэндийн төвийн дарга н.Энхцэцэг хэлэхдээ  :

Дорноговь аймгийн хэмжээнд "Ковид-19"  өвчлөлийн нөхцөл байдал амаргүй байна. Хамгийн сүүлд  Замын-Үүд суманд гурван тохиолдол шинээр бүртгэгдэж аймгийн хэмжээнд коронавирусын халдвараар өвчилсөн иргэний тоо 28 боллоо. Бүртгэгдсэн тохиолдлын 23 нь Замын-Үүд суманд, тав нь айраг суманд бий. Шинээр илэрсэн гурван тохиолдолын  хувьд "Замын- Үүд" сумын Нэгдсэн эмнэлэгт үзүүлэхээр ирсэн  иргэнээс илэрлээ. 

Батлагдсан тухайн тохиолдлын  дотны найз, мөн гэр бүлийн хүнээс шинжилгээ авахад эерэг гарлаа. Шинээр илэрсэн тохиолдол нь төмөр замын хавьтлуудтай одоогийн байдлаар  хамааралтай харагдахгүй байгаа нь аюулын харанга дэгдэж байна гэж ойлгож байна.