Голомт банк дижитал банкны үйлчилгээгээрээ салбартаа манлайлж, технологийн дэвшилтэт шийдлүүдийг үйл ажиллагаандаа тогтмол нэвтрүүлж ирсэн. Харин энэ удаа иргэд, харилцагчдын онлайнаар үйлчилгээ авах нөхцөлийг илүү сайжруулан өөрийн дижитал банкны үйлчилгээнд системийн бүрэн шинэчлэлийг хийж, амжилттай дууссаныг дуулгахад таатай байна.
Дижитал үйлчилгээгээ шинэчилснээр харилцагчдадаа банкны үйлчилгээг илүү найдвартай, илүү хурдан, хялбараар авах боломжийг олгохыг зорилоо. Тэр дундаа интернэт банкны үйлчилгээний найдвартай, аюулгүй байдлыг сайжруулахад онцгой анхааран олон улсад хүлээн зөвшөөрөгдсөн давхар хамгаалалтын системээр харилцагчийн мэдээллийг хамгаалдаг болж байна. Ингэснээр Голомт банкны харилцагчид цахим гэмт хэрэгт өртөх, хувийн мэдээллээ алдахаас найдвартай сэргийлэх боломж бүрдэж буй.
Энэхүү шинэчлэлтээр egolomt.mn болон Smart bank аппликэйшнд хамгийн сүүлийн үеийн технологиудыг ашигласан үйлдлийн систем, аюулгүй байдлын олон шийдлийг нэвтрүүлснээс зарим үйлчилгээг онцолбол:
- Хүн бүрд тохирсон өнгө төрх
Харилцагчдад өнгө, загвар болон дэлгэцийн зохион байгуулалтаа өөрийн хүссэнээр тохируулан ашиглах боломжийг олгож байна. Ингэснээр хүн бүр өөрийн хэрэгцээнд нийцсэн, илүү тухтай бөгөөд таатай орчныг бүрдүүлэх боломжтой.
- Аюулгүй байдал, нууцлалын шинэ түвшин
- Бүх үйлчилгээг нэг дороос
- Илүү ухаалаг дансны удирдлага
- Банкнаас хэрэгжүүлж буй Лояалти хөтөлбөрүүд
Харилцагчийн мэдээлэл, санхүү болон цахим гүйлгээний аюулгүй байдлыг бэхжүүлэх олон давхар хамгаалалтын шийдлүүдийг нэвтрүүлснээр банкны үйлчилгээг илүү итгэлтэйгээр ашиглах нөхцөлийг нэмэгдүүлэв.
Өдөр тутмын төлбөр тооцоо, гүйлгээ хийх дансаа хэрхэн удирдахаас эхлээд төрөл бүрийн төрийн болон санхүүгийн үйлчилгээг нэг цонхоор хялбар авах боломжтой болсон.
Өөрийн данс, карт, гүйлгээ болон бусад бүтээгдэхүүн үйлчилгээг хэдхэн алхмаар удирдах боломжтой болсноос гадна өөрийн данс хооронд шилжүүлэг хийх, картаа бүрэн удирдах, дансны хуулга харах зэрэг харилцагчдын хамгийн өргөн хэрэглэдэг үйлчилгээнүүдийг хамгийн хялбараар, цөөн үйлдлээр гүйцэтгэх ухаалаг боломжийг нэвтрүүлсэн.
Шинээр нэмэгдсэн “Лояалти” цэсээр дамжуулан банкнаас хэрэгжүүлж буй төрөл бүрийн аян хөтөлбөр, урамшууллын мэдээллийг нэг дороос авч, өөрт тохирсон боломжуудыг цаг алдалгүй ашиглах боломжтой.
Харилцагч та шинэ дижитал банкны үйлчилгээтэй холбоотой санал хүсэлт өгөх, эсвэл дэлгэрэнгүй мэдээлэл авахыг хүсвэл Голомт банкны Харилцагчийн үйлчилгээний төвийн 1800-1646 дугаарт холбогдох боломжтой.
Дараах QR-ийг уншуулж шинэ Smart bank аппликэйшнийг гар утсандаа татан ашиглаарай.
A NEW BANKING EXPERIENCE
Санамж: Харилцагч та банкны нэр, логог ашигласан судалгаа бөглөх, аппликэйшн татах зэрэг хуурамч холбоос дээр дарахгүй байж цахим залилангаас сэргийлнэ үү.
Улаанбаатар °C 
Сэтгэгдэл (0)
Сэтгэгдэл бичигдээгүй байна