Хүний аминд хүрсэн гэх хэргээр шалгагдаж байгаа цагдаа нарт холбогдох шүүх хурал дахин хойшлов

Цагдаагийн албан хаагчид албан үүргээ гүйцэтгэх явцдаа, согтолтын зэргийг тогтоолгохоор авч явж байсан хүнийхээ амь насыг хохироосон буюу Угтаалцайдам сумын цагдаа нарын гэх тодотголтой хэргийн шүүх хурал өчигдөр болох байсан ч хохирогчийн хууль ёсны төлөөлөгч зам даваа хаагдсны улмаас шүүх хуралдаанд ирж чадаагүй тул арваннэгдүгээр сарын 9-ний 10:00 цаг хүртэл шүүх хурлыг хойшлуулжээ. Хэргийг эргэн сануулбал, өнгөрсөн оны есдүгээр сарын 23-нд Төв аймгийн Угтаалцайдам сумын нутаг дэвсгэрт цагдаагийн албан хаагчид үүргээ гүйцэтгэж явахдаа 61 настай иргэн Г-ийн амь насыг хохироосон хэрэг гарсан. Мөрдөн байцаалтын явцад цагдаагийн алба хаагч У,Ө нар хуульд заасан үндэслэлгүйгээр биеийн хүч хэрэглэсний улмаас талийгаачийн зүрхний архаг цус хомсдох өвчин сэдэрсэн нь тогтоогдсон. Уг хэргийг аймгийн прокурорын газраас хүний амь насыг болгоомжгүйгээр хөнөөсөн гэж яллах дүгнэлт үйлдсэн юм. Тус хэрэг гарсаар жил гаруй хугацаа өнгөрсөн ч ийнхүү удаа дараа хойшилсоор байгаа юм.