Говь-Алтай аймгийн засаг дарга асан В.Рэнцэндоржийг яллагдагчаар татжээ

Өнгөрсөн хоёрдугаар сарын 19-нд Говь-Алтай аймгийн "Гэр бүл, хүүхэд залуучуудын хөгжлийн газр"-ын даргаар ажиллаж байсан С.Болормаа  амиа  алдсан юм.  

Тухайн өдөр С.Болормаа агсан нь ажлынхаа газрын эмэгтэйн  хамт Говь-Алтай аймгийн дарга В.Рэнцэндоржийн өрөөнд орсон,  харин түүний өрөөнөөс хүнээр өргүүлээд гарсныг өмнө нь бид мэдээлж байсан. Тус аймгийн засаг даргын өрөөнд архидалт болсон гэдгийг Зариг баталгаажуулж мэдээлсний дагуу В.Рэнцэндоржийг ЗГ-ын шийдвэрээр үүрэгт ажлаас нь чөлөөлсөн юм. Тэгвэл тус хэргийг цагдаагийн байгууллагаас шалгаж дуусаад аймгийн засаг дарга асан В.Рэнцэндоржийг яллагдагчаар татсан гэх мэдээллийг эх сурвалжаас бидэнд өглөө. 

Тус аймгийн цагдаагийн газрын дарга саяхан солигдсон бөгөөд цагдаагийн газраас С.Болормаа агсны хэргийг хэрэгсэхгүй болгох саналтай прокурорт хүргүүлж байсан аж.