МАШИНЫ ДЭЭРЭЭС БЛОК УНАГАСАН КОМПАНИЙН ҮЙЛ АЖИЛЛАГААГ ЗОГСООЛОО

Энэ сарын 19-ний өдөр Сүхбаатар дүүргийн нэгдүгээр хороо Хүүхдийн ордны ард байрлалтай "Глобал хурд" барилга дээрээс 13.30 цагийн орчимд цементэн блок барилгын дор байсан машин дээр унасан хэрэг гарсан талаар бид мэдээлсэн. Цемент унах үед машин дотор гурван хүн байсан бөгөөд жолоочийн зүүн хөл болон гарын шуу нь шилэнд зүсэгдэж эмнэлэгт хүргэгдсэн. Иймээс "Глобал хурд" компанийн захиалгаар баригдаж байгаа оффис үйлчилгээний зориулалтын барилгын үйл ажиллагааг зогсоосон талаар Нийслэлийн Мэргэжлийн хяналтын газраас мэдээлсэн юм. Мөн иргэний эд хөрөнгө, эрүүл мэндийн хохирсон асуудлыг тус дүүргийн цагдаагийн байгууллага шалгаж байна.