Налайх дүүргийн 3 дугаар хорооны нутаг дэвсгэр Лакатрын Энгэр өөрийн байранд байрлах Эрдэнийн хөгжил ХХК-ийн нүүрсний далд уурхайд 2019 оны 04 дүгээр сарын 20-ны өдрийн 80 цаг 40 минутын үед уурхайн гүнд ажиллаж байсан 3 иргэн уурхайн нуралын улмаас дарагдаж нас барсан гэх мэдээллийн дагуу Налайх дүүрэг дэх Мэргэжлийн хяналтын хэлтсийн дарга Ж.Ганзориг, Хөдөлмөрийн хяналтын улсын байцаагч А.Оюунтүлхүүр, Байгаль орчны хяналтын улсын байцаагч Ц.Төржаргал нар 2019 оны 04 дүгээр сарын 20-ны өдөр шуурхай ажиллаа. Шалгалтаар уурхайн малталтын 10 орчим метрийн гүнд, ам хэсгийн өргөн 3 метр, өндөр 2.50 метр, уурхайд 4 ажилтан ажиллаж байснаас 1 иргэн аврагдаж 3 иргэн малталт хийж байхад нурал үүсч улмаар шороонд дарагдаж барсан байна. Нас барсан иргэдийн мэдээлэл /27, 40, 47 настай, Цэгмэд, Шижирболд, Батхуяг/ нар нас барсан. Налайх дүүргийн харъяаны иргэд байсан байна. Гүррагчаа 38 настай эрэгтэй аврагдсан. Ослын шалтгаан: уурхайн малталтын ажил явуулахаас өмнө ажлын байранд үзлэг хийгээгүй, Уурхайн удирдлага болон инженер техникийн ажилтан нар уулын ажлыг горимоор нь явуулах, хөдөлмөрийн аюулгүй байдал, эрүүл ахуйн хяналтыг бүрэн хэрэгжүүлээгүйгээс осол гарсан байна.
Дээрх зөрчил нь Уул уурхайн сайд, Хөдөлмөрийн сайдын 2015 оны 229/A/232 дугаар хамтарсан тушаалаар батлагдсан "Хүдрийн далд уурхайн аюулгүй байдлын дүрэм"-ийн 15 дах /Уурхайн удирдлага болон инженер техникийн ажилтан нар уулын ажлыг горимоор нь явуулах, хөдөлмөрийн аюулгүй байдал, эрүүл ахуйн хяналтыг бүрэн хэрэгжүүлэх үүднээс уурхайд тогтмол орж байх үүрэгтэй. Ээлж ахалж буй ажилтан ээлжийн хугацаанд ажлын байр бүрийг шалган, ажиллах нөхцөл хүндрэлтэй мөргөцөгт уулын ажлыг биечлэн удирдана/, заалыг, 2.2.Уулын малталтын нэвтрэлт, бэхэлгээний ажил.
39 дэх /Тухайн малталтыг нэвтрэх ба бэхлэх ажил нь батлагдсан зураг төсөл, паспортын дагуу явагдана. Паспортыг уулын ажлыг удирдаж буй техникийн ажилтнууд зохиож, уурхайн дарга буюу ерөнхий мэргэжилтэн батална/ заалтыг,
40 дэх /Уулын бүх малталтыг цаг хугацаанд нь батлагдсан бэхэлгээний паспортын дагуу бэхэлнэ. Бэхэлгээний паспортад нэвтэрч байгаа малталт бүрийн онцлог, нөхцөл байдлыг тусгана.
-Малталтын хана, бэхэлгээний хоорондох хөндий зайг чигжиж дүүргэнэ.
-Малталтын уул-геологийн болон олборлолтын нөхцөл хүндэрсэн тохиолдолд малталт нэвтрэх ажлыг бэхэлгээний паспортад өөрчлөлт оруулах хүртэл зогсооно. Техникийн хяналтын болон хэсгийн бүх ажилтан ажил эхлэхийн өмнө шинээр, өөрчлөгдсөн бэхэлгээний паспорттай урьдчилан танилцаж, гарын үсэг зурна/ заалтыг,
49 дэх /Нуранги чулуулаг дундуур хэвтээ, налуу малталт нэвтрэх үед байнгын бэхэлгээ хийх хүртэл түр бэхэлгээ хэрэглэнэ. Маш сул буюу тогтворгүй /нуранги, зөөлөн, гулсамтгай/ чулуулагт малталт нэвтрэхдээ түр бэхэлгээг мөргөцөгт хүргэж байрлуулах хэрэгтэй./ заалтуудыг тус тус зөрчсөн байна. Ослын газарт Налайх дүүрэг дэх Мэргэжлийн хяналтын хэлтсийн дарга Ж.Ганзориг, Байгаль орчны хяналтын улсын байцаагч Ц.Төржаргал, Хөдөлмөрийн хяналтын улсын байцаагч А.Оюунтүлхүүр нар, дүүрэг дэх Цагдаагийн хэлтсийн бүрэлдэхүүн, Уул уурхайн аврах ангийн бүрэлдэхүүн ослын газарт ажиллаж, ган татлага дээр нь 000100, 000085, 001090 дугаарын лацаар лацдан үйл ажиллагааг түр зогсоосон болно.
Улаанбаатар °C 
Сэтгэгдэл (0)
Сэтгэгдэл бичигдээгүй байна