А.СҮХБАТ: ТУУЛЫН ЗАГАСНУУД ОХИН СҮВТЭЙ БОЛЖ, АЛТАНБУЛАГИЙН ТАРВАГАНУУД ХЭЭЛ ХАЯЖ БАЙНА

Аварга А.Сүхбат ЖДҮ-гийн асуудалд холбогдохдоо сэтгүүлчид рүү "Нотолчихоод асуу" гэж уурссан. Улмаар бүлгийн хурал дээрээ "Тэр нэг тэрбумын зээлээ өөртөө авч болохгүй гэж сайд нар анх сонгогдсон гишүүдэд хэлэхгүй яасан юм. Бид нарыг мэдээллээр хангасангүй" гэж загнасан гэдэг.

Эрхэм гишүүн сая Байгаль орчин, хүнс, хөдөө аж ахуйн байнгын хорооны хуралдаанаар Усны тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төслүүдтэй холбогдуулан хэлсэн үгэндээ "Усны асуудалд бид дорвитой арга хэмжээ авахгүй бол доройтолд орж байгаа. Өнөөдөр Туул голынхоо усыг яаж хэрэглэж байгаа билээ. Энэ талаар хэдэн тоон баримт хэлье. Улаанбаатар хотын ард иргэд хоногт 200 сая литр усыг дахин ашиглалгүйгээр Туул гол руу нийлүүлж байна.Гэтэл бусад улсад хоёр, гурван удаа хэрэглэдэг. Хэрэглэсэн усаа олигтой ч цэвэршүүлэхгүй 70 хувь орчмын бохирдолтойгоор Туул голд нийлүүлдэг.Туул голын загас, жараахай хүртэл бүгд охин сүвтэй болчихсон. Хээл хаядаггүй амьтан болох Алтанбулагийн тарваганууд хүртэл хээл хаяж байна. Малын гэдэс нь идэхийн аргагүйтас хар. Олон тариалангийн компаниуд Туул голоос ногоогоо усалж байгаа. Тэр бүхнийг худалдаж авч болохгүй шүү гэж бид хориглож чадаагүй. Хаа хаанаа хариуцлага ярих цаг нь болсон" гэжээ.

Үе үе ийнхүү цочтол далий ярьдаг А.Сүхбат гишүүн энэ үйлдлээрээ л олны анхаарлыг татах юм даа. Ондооших өвчин үү, эсвэл ойлголтдоо байна уу