"REEBOK"-ИЙНХОН ОРОСУУДЫН ДУРГҮЙЦЛИЙГ ХҮРГЭЖЭЭ

Дэлхийд алдартай спорт хувцасны Рийбок брендийн Орост өрнүүлж байгаа аян болон түүний сурталчилгааг хэт ёс зүйгүй гэж үзэн цуцлахыг шаарджээ. Рийбок компанийн зүгээс Орос дахь салбараараа дамжуулан "Илүү хүнлэг байя" нэртэй аян өрнүүлж, эмэгтэйчүүдийг хүлээсэнд үл баригдаж хүчирхэг байхыг уриалж байгаа билээ. Сэтгүүлч, блоггер, эмэгтэйчүүдийн эрхийн төлөө тэмцэгч Залина Маршенкулова уг аяны нүүр царай болж, Рийбок брендийн спорт хувцасны сурталчилгаанд тоглосон байна. Мөн түүний зурагтай зурагт хуудаст "Эрчүүдийн зөвшөөрлийг гуйхын оронд өөдөөс нь эрслэн бос" гэсэн утга бүхий үгс оруулсан нь олон нийтийн дургүйцлийг хүргэж, сурталчилгаагаа буулгахыг шаардсан байна. Олон нийтийн зүгээс дээрхи уриалга нь эрэгтэйчүүдийг дарлах, толгой дээр нь гарч суухыг эмэгтэйчүүдэд уриалсан сөрөг суртал ухуулга гэж үзэн ихэд унтууцаж байгаа учраас Рийбок бренд Инстаграм зэрэг олон нийтийн сүлжээн дэх сурталчилгаагаа буцаан татан уучлалт гуйжээ