ДУУЧИН АРИАНА ГРАНДЭ ШИНЭ БҮТЭЭЛЭЭРЭЭ ДЭЭД АМЖИЛТ ТОГТООЖЭЭ

Дэлхий даяар нэр алдар нь цуурайтсан залуу дуучдын нэг, үзэсгэлэнт бүсгүй Ариана Грандэгийн саяхан гаргасан "7 Rings" хэмээх шинэхэн сингль 126,000 хувь борлогдож, хөгжмийн түүхэнд богино хугацаанд хамгийн олон хувь борлогдсон бүтээл боллоо. Мөн энэ нь дуучин бүсгүйн Их Британийн хөгжмийн чартуудад тэргүүлж байгаа дөрөв дэхь сингль нь болж байгаа юм. "7 Rings" дууг өнгөрсөн долоо хоногт л гэхэд The Sound of Music's My Favourite Things-т 16.9 сая удаа сонссон нь дээд амжилтад тооцогдохоор үзүүлэлт.

Түүний өмнөх дээд амжилтын эзэн нь алдарт дуучин Мариан Кэйригийн зул сарын баяр, хайр дурлалын сэдэвтэй "All I Want for Christmas is You" дууг өнгөрсөн сард нийт 15.3 сая хүн сонссон байдаг. Ариана грандэгийн хувьд 2017 оны зургаадугаар сард Grenfell charity синглиэ гаргасан нь мөн л долоо хоногийн дотор 100 мянгаас дээш хувиар борлогдсон удаатай. "7 Rings" дууны тансаг дүрслэлтэй клипийг Ютүб хуудаст оруулснаас хойшхи эхний 24 цагийн хугацаанд 23.6 сая хүн үзсэн бол өнөөдрийн байдлаар 72 сая хүн үзээд байна.