“ГИТЛЕРИЙНХ” ГЭХ ХУУРАМЧ ЗУРГУУДЫГ ХУРААН АВАВ

Герман улсын Берлин хотод өчигдөр дуудлага худалдаагаар оруулах гэж байсан уран зургуудыг орон нутгийн цагдаагийн газраас хураан авчээ. Учир нь дэлхийн хоёрдугаар дайныг өдөөгч, аугаа дарангуйлагч, ялгаварлан гадуурхагч Адольф Гитлерийнх гэх усан будгаар зурсан гурван зураг нь хуурамч байсан гэнэ. Клоссын дуудлага худалдааны газар худалдаалах гэж байсан Альп, Рениш гэх хоёр зураг нь А.Гитлерийн гарын үсэгтэй, 1910 ба 1911 гэсэн огноотой ч луйврын сэдлээр бүтээсэн хуурамч зураг болохыг цагдаагийн шинжээчид тогтоожээ.

Мэргэжлийн урлаг судлаачийн баталгаа, лац бүхий хуурамч уран зургийг тус бүрийг нь 4000 евро буюу 4500 ам.доллараас эхлэн үнэ хаялцуулах гэж байжээ. Өмнө нь буюу 2015 онд Адольф Гитлерийн усан будгаар зурсан жинхэнэ бүтээлийг дуудлага худалдаагаар оруулж, 452000 ам.долларын үнэд хүргэсэн удаатай