ТАЙВАНИЙН “УСНЫ ХУВЦАСТАЙ УУЛЧИН” УУЛАНД ОСОЛДЖЭЭ

Сошиал ертөнцийн бас нэгэн содон алдартан болох Тайванийн Bikini Hiker буюу Усны хувцастай уулчин саяхан Юшан ууланд ганцаараа авирч яваад осолдож амиа алдсан талаар ВВС агентлаг онцолжээ. Жижи Ву хэмээх 36 настай олон улсын интернет од янз бүрийн өнгөлөг усны хувцастай зургаа уулын оройд авахуулж, сошиалд алдаршсан нэгэн юм байна. Уулчин эмэгтэй уулын хавцал руу унасныхаа дараа түргэн тусламж дуудсан боловч тухайн үед цаг агаарын байдал таагүй байсны улмаас аврах ангийнхан цагтаа очиж амжаагүй гэнэ. Тэднийг ослын газар очиход алдартай уулчин эмэгтэй 4300 орчим метрийн өндөрт осгож амиа алдсан байдалтай олджээ.

Орон нутгийн Фокус Тайвань хэвлэлийн мэдээлснээр Жижи Ву нь сайн найзыгаа алдсаны дараагаас уулын оройд авирч усны хувцастай зургаа Фэйсбүүкт оруулж эхэлсэн байна. Тэрээр сүүлийн дөрвөн жилийн хугацаанд зуу гаруй удаа ууланд авирч, 97 удаа уулын орой дахь усны хувцастай зургаа сошиалд нийтэлсэн аж