БОИНГ КОМПАНИЙН НИСДЭГ МАШИН АМЖИЛТТАЙ ХӨӨРЛӨӨ

Олон улсын агаарын тээврийн салбарт тэргүүлэгч Боинг компани суурин газрын тээвэр болох автомашиныг хувьсгаж нисдэг болгох уралдаанд оролцож буйгаа зарлаж, анхны туршилтаа амжилттай гүйцэтгэсэн байна. Онгоц үйлдвэрлэлээрээ тэргүүлдэг томоохон компанийн хувьд энэ нь жижиг алхам ч гэлээ хотын тээврийн салбарыг шинэчилж, хүргэх үйлчилгээнд ахиц гаргахад түлхэц үзүүлнэ гэж Боингийн мэргэжилтнүүд тооцож байгаа юм байна. Тус компаниас гаргасан нисдэг машинаа PAV буюу Агаараар зорчигч тэвээрлэгч хэмээн нэрлэжээ. Энэхүү есөн метрийн урттай машинд бүрэн автомат технологийг ашиглаж, эгц дээшээ хөөрөх чадвартай бүтээсэн бөгөөд нисдэг тэрэг, дрон, далавчит онгоцны нийлбэр юм.

Боинг, Тесла, Эйрбус гэх зэрэг дэлхийд тэргүүлэгч компаниудын ханцуй шамлан ороод байгаа нисдэг машин болон автомат удирдлагатай тээврийн хэрэгслийг бүтээх, хот дотор тээврийг эрс шинэчлэх ажил ойрын хугацаанд авто замын түгжрэл хэмээх дэлхий нийтийн шүдний өвчнөөс ангижрах зорилготой юм