ХЯТАДЫН ХУАВЭЙ КОМПАНИЙН УДИРДЛАГА ТАГНУУЛЫН ХЭРГЭЭР БАРИВЧЛАГДАВ

Польш, АНУ-ын эрх баригчид Бээжинг НАТО-гийн зүүн бүсийн стратегийн онцгой ач холбогдол бүхий улсад тагнуулаа шургуулсан гэх үндэслэлээр шалгалт хийж, баривчилгаа явуулжээ. Польшийн хэвлэлд бичсэнээр БНХАУ-ын Хуавэй компанийн Польш дахь салбарын гүйцэтгэх захирал Ван Вэйжин, Польшийн Сөрөг тагнуулын газрын дарга асан Пиотр Дурбажло нарыг тагнуулын ажиллагаа явуулсан гэх үндэслэлээр саатуулаад байгаа юм байна. Ван Вэйжиний хувьд өнгөрсөн долоо хоногт тагнуул хийсэн хэрэгт сэрдэгдэх үеэр өмгөөлөгч нь эрс няцаасан хэдий ч Хуавэйн дээд удирдлагаас түүнийг ажлаас нь халах шийдвэр гаргасан аж. Харин П.Дурбажлогийн талаас ямар нэгэн тайлбар хийсэнгүй.

Ван Вэйжин нь тус улсын Цэргийн технологийн их сургуулийн зааварлагчаар ажилладаг Пиотр Друбажлогоор дамжуулан нууцлалын зэрэглэлтэй мэдээллийг гартаа оруулсан байж болзошгүй гэж шалгалтыг хамтран явуулсан Польш, АНУ-ын талаас мэдэгдлээ. Ван Вэйжин нь Хуавэй компанийн тэтгэлэгтэй тэмцээнийг тус их сургуульд зохион байгуулж, түрүүлсэн оюутнуудын бүх зардлыг даан БНХАУ-руу аялалаар явуулах зэргээр маш идэвхтэй үйл ажиллагаа явуулдаг нь тагнуул элсүүлэх нууц зорилготой байхыг ч үгүйсгэхгүй гэнэ