МОНГОЛ УЛСЫН АВАРГА Н.БАТСУУРЬ: МОНГОЛЫН БҮХ ЦАГДАА НАРААС УУЧЛАЛТ ГУЙЯ

Сэтгүүлч Ч.Лодойсамбуугийн бэлтгэн хүргэдэг "Улаан бал" нэвтрүүлэгт Монгол улсын Аварга Н.Батсуурь /2019.01.15 /оролцсон билээ. Ярилцлагын үеэр 2012 оны 3-р сард Н.Батсуурь аварга аавтайгаа нийлэн цагдаа зодож байгаа бичлэг цахим орчинд тархаж, олны дургүйцлийг хүргэж байсныг асуулаа. Энэ талаар тэрээр өдий хүртэл ам нээж байгаагүй юм.

"Манай аав цагдаа зодож байгаа бичлэг бол гарсан. Тэр бол харагдах үүднээсээ угаасаа буруу. Би тэрийг өмөөрч миний аавын зөв гэж хэлэхгүй. Маргааш нь улсын аварга болох гээд би жингээ үзүүлэх гээд явж байсан. Манай аав жоохон халамцуу явж байсан л даа. Би тэгээд аавыгаа гэр рүүгээ хүргэж өгөх гээд явж байсан юм. Тэгээд явж байтал Нарантуулын зам нилээн бөглөрөөтэй. Гэтэл сул урсгалтай зам руу жийпүүд яваад байсан. Тэд нарыг дагаад эргэх гэтэл цагдаа зогсоосон. Тэгээд цагдаа намайг чигээрээ яв гээд загнасан юм. Тэгэхээр нь би ийшээ эргээд явья л даа гээд гуйлаа. Тэгсэн чинь чигээрээ л яв, чи жолооч мөн юм уу? биш юм уу? гээд маргаан эхэлсэн юм. Цагдааг үнэмлэхээ аваад ир гэхээр нь би өгөхгүй гээд жоохон тэгчихсэн юм. Тэгээд би заза зогсож байгаад болье гэсэн юм. Тэр хооронд цагдаа станцаараа Нарантуулын камерийг надруу харуулаач гэж байсан. Тэгээд би хөгшөөн яараад байна, жин үзүүлэх гээд гэх мэт жоол тайлбарласан юм. Гэтэл аав халамцуу байсан араас бууж ирээд чи тэр машинуудыг зогсоогоогүй байж яагаад ингэж байгаа юм гэсэн. Ер нь бол нүд ирмэхийн зуур болсон юм. Цагдаагийн малгай унахад нь би авах гээд босох хооронд л тэр бүхэн болчихсон юм. Камер нь өөр рүү нь харчихсан байгааг цагдаа мэдэж байсан болохоор бас өөр хандаж байсан л даа. 50 гарчихсан, халамцуу хүнээс өөрийгөө хамгаалж болох л байсан байх. Тэгээд аав маань хариуцлага хүлээсэн. Шүүхийн шийдвэрээ биелүүлээд 3 сар хоригдоод гарч ирсэн. Шүүхийн шийдвэрээ биелүүлсэн юм шүү дээ. Тийм л юм болсон доо. Тэр асуудал дээр ажлаа хийж байсан цагдаа тул бид нарын буруу, шийтгэлээ хүлээсэн. Би Монголын цагдаа нараас уучлалт гуйж байна. Гэхдээ цагдаа нар маань харилцаандаа анхаарч байгаарай. Харилцаанаас харилцаа үүснэ шүү дээ. Хууль хүн бүрд тэгш үйлчлэх ёстой шүү дээ." Гэжээ. Нэвтрүүлгийг бүрэн эхээр нь эндээс үзнэ үү.