Т.ГОМБОСҮРЭНГИЙН АМИЙГ ХӨНӨӨСӨН ХЭРЭГТ ЯЛЛАГДАГЧААР ТАТАГДСАН Б.МАХБАЛЫГ ШҮҮХ ХУРАЛ ТАВ ДАХЬ ӨДӨР БОЛНО

Зам, тээврийн хөгжлийн яамны байранд Хяналт, шинжилгээ, үнэлгээ, дотоод аудитын газрын дарга Т.Гомбосүрэнгийн аминд халдсан хэрэг өнгөрөгч наймдугаар сарын 9-ны өдөр гарсан. Уг хэргийг шалгаж, яллах дүгнэлт үйлдүүлэх саналтайгаар Нийслэлийн прокурорт өнгөрөгч оны арваннэгдүгээр сард шилжүүлсэн. Уг хэрэгт Б.Махбалаас гадна нэг хүнийг яллагдагчаар татан шалгаж байгаа бөгөөд түүнийг батлан даалтад гаргаж, Б.Махбалыг цагдан хорьсон хэвээр байна. Түүнийг шүүх хурал Сүхбаатар дүүргийн эрүүгийн хэргийн анхан шатны шүүхэд 2019 оны 01 дүгээр сарын 18-ны 10 цагт эхэлнэ.

Яллагдагчаар татагдсан Б.Махбалыг одоогоор ШШГЕГ-ын харьяа цагдан хорих 461-р ангид хорьж байгаа бөгөөд түүнд Эрүүгийн хуулийн 10.1-д зааснаар яллах дүгнэлт үйлдээд байгаа аж.Уг хуулийн заалтад "хүнийг алсан бол найман жилээс 15 жил хүртэл хугацаагаар хорих ял шийтгэнэ" гэж заажээ