СЭРЭМЖЛҮҮЛЭГ: ГАХАЙН МАХ, ХИАМ ХЭРЭГЛЭДЭГ ХҮН БҮР АНХААРААРАЙ

Монгол улсад худалдаалагдаж буй хиам, хиаман бүтээгдэхүүнүүдийн дийлэнхийг гахайн мах, өөхөөр хийдэг. Харин Африкаас гаралтай гахайн өвчин Монголд илрээд байгаа тул гахайн мах, махан бүтээгдэхүүн, гахайн махаар хийсэн хиамыг түр хугацаагаар хэрэглэхгүй байхыг анхааруулж байна. Өнөөдөр /2019.01.15нд/ Онцгой комиссын хуралдаанаар энэ тухай хэлэлцэж, Монгол Улсын Шадар сайд, Улсын Онцгой Комиссийн дарга Ө.Энхтүвшин албаныханд дараах үүрэг чиглэлийг өгсөн юм.

-БНХАУ, ОХУ, Герман, Польш зэрэг улсаас импортолж буй гахайн мах, өөхийг түр хугацаанд улсын хилээр импортлохыг хориглох,

-Улсын хэмжээнд гахайн африк мялзан өвчнийг илрүүлэх идэвхтэй тандалт, судалгааг 30 хоногийн дотор багтаан хийж, цаашид авч хэрэгжүүлэх арга хэмжээг төлөвлөх,

-Уг өвчинд сонгомол үйлчилгээтэй "иод, лимон гэх мэт" халдваргүйтгэлийн бодисын нөөц бүрдүүлэх, гахайн аж ахуй эрхэлдэг байгууллага, иргэдийн тэжээлийн агуулах, байр, хашаа хороог халдваргүйтгэх ажлыг зохион байгуулах,

-Гахайн африк мялзан өвчнөөр өвчилсөн гахайг холбогдох журам, зааврын дагуу устгах, нэгдсэн цэгт булшлах ажлыг шуурхай зохион байгуулж, удирдлагаар хангаж ажиллах,

Гахайн африк мялзан өвчнөөс урьдчилан сэргийлэх заавар, зөвлөмжийг олон нийтэд сурталчлан таниулж, хэвлэл мэдээллийн байгууллагатай хамтран мэдээллийг нэг цэгээс үнэн бодитой хүргэх ажлыг МХЕГ-тай хамтран зохион байгуулах,

-Мал, амьтны гоц халдварт өвчний эрсдэлийн тойм судалгааг хийж, гарсан үр дүнд хариу арга хэмжээг төлөвлөх, хэрэгжүүлэх арга замыг тодорхойлох зэрэг үүрэг өглөө.