"ЭРДЭНЭС ТАВАНТОЛГОЙ” КОМПАНИЙН ЦЭВЭР АШИГ 2018 ОНД 720 ТЭРБУМД ХҮРЛЭЭ

Өчигдөр Ерөнхийлөгч Х.Баттулга “Эрдэнэс Тавантолгой” ХК-ын удирдлагуудыг дуудан уулзаж, иргэдийн эзэмшиж буй хувьцааг арилжаанд оруулах, энэ жил ногдол ашиг тараахыг үүрэгдсэн. Компанийн зүгээс нэг иргэнд 3000 орчим төгрөгийн ногдол ашиг оногдож байгаа учир энэ жилдээ ногдол ашиг тараахгүй байх шийдвэр гаргасан талаар тайлбарлав. Ерөнхийлөгч ногдол ашиг тараахыг үүрэгдсний дагуу өнөөдөр “Эрдэнэс Тавантолгой” ХК мэдээлэл хийлээ.“Эрдэнэс Тавантолгой” ХК-ын гүйцэтгэх захирал Б.Ганхуяг энэхүү мэдээллийн үеэр өнгөрөгч оны тайлан болон энэ оны төлөвлөгөөгөө танилцууллаа. Мөн энэ ондоо багтааж 1072 хувьцааг “амилуулна” гэж мэдэгдлээ. Иргэд нийт хувьцааны 14.5 хувийг эзэмшдэг бөгөөд нэгж хувьцааны үнэ тодорхой болсны дараа үүнийг хэрэгжүүлнэ гэсэн юм.Өнгөрөгч онд улсын төсөвт 510 тэрбум төгрөг төвлөрүүлж, цэвэр ашиг төлөвлөснөөс 2.1 дахин даван биелж 720 тэрбум төгрөг болсон байна.