15 НАСТАЙ ОХИНЫГ ХҮЧИРХИЙЛЖЭЭ

Цагдаагийн байгууллагад 2019 оны нэгдүгээр сарын 6-ны өдөр 23.00 цагийн үед насанд хүрээгүй хүүхэд хүчиндүүлсэн гэх дуудлага мэдээлэл иржээ.

Дуудлагын дагуу шалгалтын ажиллагааг явуулахад 15 настай охин, өөрийгөө 17 настай гэж танилцуулсан этгээдтэй фэйсбүүкээр дотносож, улмаар тодорхой цаг хугацааны дараа уулзах хүсэлт тавьсны дагуу уулзахад уг этгээд охиныг хүчирхийлсэн байна.

Иймд хүүхдийг цахим орчинд бусад танихгүй хүнтэй холбоо тогтоох, 14 нас хүрээгүй хүүхэд цахим орчин буюу фэйсбүүк ашиглахгүй байх, гэнэн томоогүй, шилжилтийн насны хүүхдүүд хэнтэй нөхөрлөж, хаана, юу хийж яваад эцэг эхчүүд онцгой анхаарал хандуулж, тэдэнд амьдралын үнэн байдлыг зөв ойлгуулах шаардлагатай байгааг цагдаагийн байгууллагаас анхааруулж байна.

Монгол Улсын Эрүүгийн хуулийн 12.1 дүгээр зүйлд:

"Хохирогчийн хүсэл хохирогчийн хүсэл зоригийн эсрэг хүч хэрэглэж, хүч хэрэглэхээр заналхийлж, эсхүл сэтгэцийн өвчтэй, согтуурсан, мансуурсан, сэтгэцийн үйл ажиллагаа нь түр сарнисан, бусад өвчний улмаас биеэ хамгаалах, эсэргүүцэл үзүүлэх чадваргүй, эсхүл эд хөрөнгө, албан тушаал, бусад нөхцөл байдлын улмаас эрхшээлдээ байгааг далимдуулан хүчээр бэлгийн харьцаанд орсон, эсхүл бэлгийн харьцааны шинжтэй хүч хэрэглэсэн үйлдэл хийсэн бол 8 жил хүртэл хугацаагаар хорих ял шийтгэнэ.

Энэ гэмт хэргийн хүндрүүлэх нөхцөл байдалтай үйлдсэн, бага насны хүүхдийн эсрэг үйлдсэн бол 20 жил хүртэл хугацаагаар эсхүл бүх насаар хорих ял шийтгэхээр заажээ.