ТАКАИНОВА А.БААСАНДОРЖИЙН ЗОДОГ ТАЙЛАХ ЁСЛОЛ ИРЭХ САРД БОЛНО

Таканоива А.Баасандорж сүмогийн дэвжээнээс зодог тайлах ёслол ирэх сарын эхээр болно. Тэрбээр өнгөрсөн жил их аварга асан Харүмафүжи Д.Бямбадоржид зодуулсан гэх шалтгаанаар Д.Бямбадорж зодог тайлсан билээ.

А.Баасандоржийн хувьд Фүкүокад болсон өвлийн тойргийн барилдааны үеэр өөрийн дэвжээний залуу бөхийг хэлсэн зүйлийг нь мартсан хэмээн цохисноор сүмо бөхийн холбооны ёс зүйн хороонд дуудагдан буруугаа хүлээж хүлцэл өчсөн. Ингээд өнгөрсөн сарын 07-ны өдөр зодог тайлах шийдвэрээ гаргасан юм. Болсон хэрэг явдлыг эргэн сануулбал, арванхоёрдугаар сарын 4-ний орой Чиганоура дэвжээний бөхчүүдийн байрлаж буй зочид буудлын гадна тус хэрэг болжээ. А.Баасандорж өөрийн дэвжээний 23 настай бөхийг хэлсэн зүйлийг нь мартсан хэмээн нүүр рүү нь дөрвөөс таван удаа цохисон байдаг аж. Түүнд цохиулсан гэх залуу бөх бэлтгэлдээ хоцорч ирэхэд дэвжээний багш нар учрыг нь асууснаар энэ хэрэг илэрчээ. Хохирогч хүнд гэмтэл аваагүй ч нүүр нь хавдсан байсан нь том нотолгоо болжээ.Үүний дараа сүмо бөхийн холбооноос Таканоива А.Баасандоржид эхний ээлжинд тойргийн барилдаанд барилдах эрхийг нь хязгаарлах арга хэмжээ аваад байсан юм