“ДОПИНГИЙН ЭСРЭГ ДҮРЭМ ЗӨРЧСӨН БӨХӨД ХАРИУЦЛАГА ТООЦОХ ЖУРАМ”-ЫГ ШИНЭЧЛЭН БАТЛАВ

МҮБХ-ны тэргүүлэгчид энэ сарын 25-нд хуралдаж, допингийн төрлийн хориотой бодис хэрэглэсэн нь тогтоогдсон бөхчүүдэд хариуцлага тооцох, допингоос сэргийлэх, допингтой холбоотой бусад зөрчлүүдийг хэрхэн арилгах талаар дахин хэлэлцжээ. Улмаар "Монгол үндэсний бөхийн барилдааны болон барилдааны бус үед допингийн шинжилгээ хийлгэх, допингийн эсрэг дүрэм зөрчсөн бөхөд хариуцлага тооцох журам"-д нэмэлт өөрчлөлт оруулан шинэчлэн баталсан байна. Нэмэлт өөрчлөлтөөр:

• Допинг хэрэглэсэн нь тогтоогдоод шийтгэл оноосон байхад барилдсан тохиолдолд уг бөхийн шийтгэлийг хугацааг хамгийн сүүлд барилдсан хугацаанаас эхлэн дахин тооцно.
• Допинг хэрэглэсэн нь тогтоогдсон бөхийг барилдуулсан аймаг, сумын наадмыг хүчингүйд тооцож, тухайн наадамд цол авсан бөхчүүдийг эрэмбэнд оруулахгүй.
• Шинжилгээ өгөхөөс татгалзсан тохиолдолд Дэлхийн допингийн эсрэг дүрмийн дагуу допинг хэрэглэсэнд тооцож, улс, аймаг, сумын наадам болон бусад аль ч хэлбэрийн барилдаанд барилдах эрхийг мөн 2 жилээр хасахаар болов.Энэхүү шинэчилсэн журмыг 2018 оны есдүгээр сарын 28-ны өдрөөс эхлэн дагаж мөрдөх юм байна