ШТС-УУДАД ШАЛГАЛТ ХИЙЖЭЭ

НМХГ-ын дэд даргын баталсан "Инженерийн төвлөрсөн системд холбогдоогүй ариун цэврийн байгууламжийн байдалд хяналт шалгалт хийх тухай" удирдамжийн хүрээнд ШТС-иудад шалгалт хийлээ.

Шалгалтаар СХД, БГД, СБД, ХУД, ЧД-ийн нутаг дэвсгэрт үйл ажиллагаа эрхэлж буй "Шинэ-Ундрага" ХХК, "Магнай трейд" групп, "Тэс Петролиум", "Сод Монгол", М-Ойл", "Шунхлай", "Петровис", "Дашваанжил", "Дрийм Газ", "Гор Газ" зэрэг нийт 42 ШТС, АХЦС-уудын ариун цэврийн байгууламжид хяналт шалгалт хийж, "Шинэ-Ундарга" ХХК-ийн ШТС-ийн хөрсний бохирдлын зэргийг тогтоох зорилгоор дээж авч, НМХГ-ын болон Геологийн төв лабораторид хүргүүлсэн байна.

Стандартын шаардлага хангасан ариун цэврийн байгууламж барьж ашиглах талаар 5 аж ахуйн нэгжид албан шаардлага хүргүүлж, "М-Oil" ХХК-д Зөрчлийн тухай хуулийн холбогдох заалтыг үндэслэн 500 мянган төгрөгийн торгуулийн арга хэмжээ авч ажиллажээ. Шалгалт үргэлжилж байна.