П.ОРХОН СЭРГЭЭШ ХЭРЭГЛЭСНИЙГ ДЭЛХИЙН БӨХИЙН ХОЛБОО БАТАЛЖЭЭ

Азийн олимпийн зөвлөлөөс П.Орхоны допингийн шинжилгээний дүн эерэг гарсныг зарлаж, Азийн наадмаас авсан алтан медалийг нь хүчингүй болгожээ.
Азийн Олимпийн зөвлөлөөс "П.Орхонд наймдугаар сарын 20-ны өдөр хийсэн шинжилгээгээр допин хэрэглэсэн байсан нь илэрч, тэмцээнээс хасагдах ёстой байсан. Тус шинжилгээний хариуд үндэслэн тэмцээний үеэр түүний гаргасан амжилтыг хүчингүй болгож байна" хэмээн мэдээлжээ.Мөн 2017 оны арванхоёрдугаар сард Азийн наадамд оролцох бөхчүүдэд хийсэн шинжилгээгээр Монголын дөрвөн тамирчны допины тест эерэг гарч тэмцээнд оролцох боломжгүй болсон хэмээн мэдээлсэн байна.Тэгвэл энэ асуудлаар Дэлхийн бөхийн холбоо албан ёсны мэдээлэл гаргаж, П.Орхоныг сэргээш хэрэглэсэн болохыг баталсан байна.Ингэснээр түүний Дэлхийн аваргын алтан медаль болон бусад чансааны оноо, Азийн наадмын медалийг тус тус хураахаар болж, мөн 2020 оны олимпт оролцох эрхийг нь хасах ажээ.Гавьяат тамирчин П.Орхоны хувьд өнөөдрийг хүртэл ямар нэгэн тайлбар хийхгүй байгаа бөгөөд түүний ойр тойрныхон болон багш нар нь "Орхон сэтгэлзүйн хувьд хүнд хэцүү байна" гэснээс өөр тайлбар хийгээгүй байна