ЗАВХАН АЙМАГ БНХАУ-ЫН ШЭНСИ МУЖТАЙ АЯЛАЛ ЖУУЛЧЛАЛ, ХАА, ГАЗАР ТАРИАЛАНГИЙН САЛБАРТ ХАМТРАН АЖИЛЛАНА

Монгол- Хятадын Шэнси мужийн худалдаа хөрөнгө оруулалтын хамтын ажиллагааны форум өнөөдөр болж байна. Энэхүү форумаар Шэнси мужийн 25 төлөөлөгч Монгол улсад айлчилж Завхан аймгийн удирдлагууд болон бизнес эрхлэгчидтэй хамтран ажиллах салбаруудын асуудлыг хэлэлцсэн байна. Завхан аймгийн тухайд аялал жуулчлалыг тэргүүлэх салбараа гэж үзэн энэхүү салбарт гадны хөрөнгө оруулалтыг татах бодлого барьж байгаа юм. БНХАУ-ын шэнси мужийн тухайд гадны жуулчид маш ихээр авдаг. Судалгаагаар Монгол болон бусад улсын жуулчид хамгийн ихээр зорчдог аялдаг бүс нутгийн 7-рт эрэмбэлэгддэг юм байна. Мөн Шэнси муж нь махны хэрэглээгээ австрали, Бразил европын орнуудаас хангадаг байна. Тиймээс ХАА-н салбарт ч гэсэн хөрөнгө оруулалтыг татах бүрэн боломжтой гэж үзжээ. Завхан аймаг малын өвчингүй хамгийн эрүүл бүс нутгаар нэрлэгддэг нь ийнхүү хөрөнгө оруулалт татах үндсэн нөхцал болж байгаа юм. өнгөрсөн жил Завхан аймагт нүүдэлчдийн наадмыг зохион байгуулсан нь өндөр үр дүн өгч энэ жил гадаад дотоодын жуулчдын тоо нэмэгдсээр байгаа юм байна. Ерөнхийдөө Завхан аймаг нь говь,хангай,тал хээр хосолсон үзэсгэлэнтэй байгалийн тогтоц бүхий газрууд ихтэй нь жуулчдын сонирхлыг ихээр татаж байгаа юм. Энэ удаагийн бизнес уулзалтын завхан аймгийн бизнес хөгжлийг дэмжих төв хамтран зохион байгуулж, орон нутгийн бизнес эрхлэгчид оролцож байна