ХУВИЙН МАШИНЫГ ТАКСИНД ЯВУУЛАХГҮЙ ГЭДЭГ ТАШАА МЭДЭЭЛЭЛ ГЭВ

Зарим хэвлэл мэдээллийн хэрэгслээр есдүгээр сарын 01-нээс эхлэн хувийн автомашинтай иргэдийг такси үйлчилгээнд явуулахгүй гэх мэдээлэл гарч эхэлсэн.

Энэхүү мэдээлэл нь ор үндэсгүй гэдгийг албаны эх сурвалж мэдээлж байна. Энэ талаар Тээврийн цагдаагийн албаны урьдчилан сэргийлэх хэлтсийн мэргэжилтэн М.Мөнхгэрэл "Энэ нь ямар нэг албаны эх сурвалжгүй, үндэслэлгүй мэдээлэл гэдгийг хэлмээр байна. Өнөөдрийн байдлаар энэ талаар гаргасан захирамж тогтоол Замын цагдаагийн албанд ирээгүй байна. Гэхдээ хувийн автомашинтай иргэд замын хөдөлгөөний дүрмээ баримталдаггүй учраас хүн тээврийн аюулгүй байдлыг хангаж чаддаггүй. Мөн километрийн үнэ тогтмол биш, оройн цагаар илүү мөнгө нэхдэг, зарим тохиолдолд бие махбодид нь халдсан гэх гомдлууд ирдэг. Эдгээр гомдол саналыг хүлээн авч холбогдох газруудад шийдвэрлэдэг. Хэрэв иргэний бие махбодид халдсан бол эрүүгийн хуулиар хариуцлага тооцдог" гэв