БЭЛГИЙН ЗАМААР ДАМЖИХ ХАЛДВАРТ ӨВЧЛӨЛ ЭРС НЭМЭГДЖЭЭ

Манай улсад сүүлийн жилүүдэд ажилгүйдэл, ядуурал газар авах, хүн амын шилжилт хөдөлгөөн нэмэгдэх, улмаар архи хэтрүүлэн хэрэглэх, эрт бэлгийн харьцаанд орох, бэлгийн олон хавьтагчтай байх, биеэ үнэлэх зэрэг шалтгаануудаас үүдэж БЗДХ-ын өвчлөл эрс нэмэгдсэн байна.Өнөөдрийн байдлаар Монгол Улс ДОХ-ын тархалт багатай орны тоонд ордогч сүүлийн таван жилд бэлгийн замаар дамжих нийт халдварт өвчний дотор гуравдугаар байрт тогтмол орсоор байгаа аж.ХДХВ/ДОХ, БЗДХ-ын тархалт нэмэгдэж, тархалтыг нөхцөлдүүлж буй, даамжруулж буй хүчин зүйлс, өртөж буй хүн амын бүлэг өөр өөр байгаа тухай мэдээлжээ. Ихэвчлэн эрэгтэйчүүдтэй бэлгийн хавьталд ордог эрэгтэйчүүд, мансууруулах бодис тарьж хэрэглэгчид, биеэ үнэлэгчид өртдөг байна.Иймд дархлалын олдмол хомсдолоос сэргийлэх үйл ажиллагааг төрийн нэгдсэн бодлогын хүрээнд зохицуулах, үндэсний хариу арга хэмжээнд зарцуулах санхүүжилтийг нэмэгдүүлэхэд Засгийн газар, Үндэсний хорооны гишүүдийн дэмжлэг зайлшгүй шаардлагатай гэж эрүүл мэндийн салбарынхан үзэж байна