“UB FOOD FESTIVAL”-ИЙН ҮЕЭР БҮХ ХООЛЫГ 1000-5000 ТӨГРӨГӨӨР БОРЛУУЛНА

UB Food Festival" арга хэмжээг зургаа дахь жилдээ энэ сарын 24-26-ны өдрүүдэд Үндэсний соёл амралтын хүрээлэнд зохион байгуулах гэж байна.Гурван өдрийн турш Цирк, Монголын Үндэсний урлагийн их театр, Улаанбаатар чуулгын үзүүлэбэрүүд,амьд хөгжимийн хамтлаг дуучдын тоглолттой хамт хамгийн хямд, хамгийн амттай хоолыг зооглох боломж бүрджээ. Бууз, хуушуур, цуйван гэхчлэнМонгол хоол гэж нэрлэх боломжгүй олон хоолнууд байдаг. Тэгвэл энэхүү фестивалыг жил бүр зохион байгуулж улам өргөжүүлсэнээрМонгол хоолныхоо нэршлийг тодорхойлж гаргах бас нэгэн томоохон зорилготой юм байна.Үүний эхлэл болгож "UB Food Festival"-д оролцож байгаа ААН, тогооч нарын дунд "Улаанбаатар шөл", "Улаанбаатар хуурга" нэрийн хоолны тэмцээн зохион байгуулна. Шалгарсан хоолыг Монгол хоолны нэрийн жагсаалтад оруулахаар төлөвлөжээ.

Өнөөдрийн байдлаар 40 гаруй ААН, иргэд тус фестивалд оролцохоор бүртгүүлээд байгаа аж. "UB Food Festival" өдөрлөгийн үеэр бүх хоолыг 1000-5000 төгрөгийн үнэтэй борлуулах юм байна. Зохион байгуулагчдын зүгээс хоолны үнийг 5000 төгрөгөөс хэтрүүлж болохгүй гэсэн гэрээг оролцогч байгууллагуудтай хийжээ. "UB Food Festival" арга хэмжээний хоёр дахь өдөр буюу наймдугаар сарын 25-ны өдөр нийслэлийн нэрийн "Улаанбаатар шөл" болон "Улаанбаатар хуурга" шалгаруулах анхдугаар тэмцээнийг зохион байгуулна.

Тус арга хэмжээний үеэр аж ахуйн нэгжүүд хамгийн чанартай, амтлаг нэрийн бүтээгдэхүүн, олон улс үндэстний хоол, зууш амттаныг багасгасан хэмжээтэйгээр бэлтгэж, хямд үнээр иргэдэд үйлчилнэ. Мөн гудамжны шилдэг хоолтой газар, шилдэг тогооч нарыг шалгаруулахаас гадна хүрэлцэн ирсэн зочид, үзэгчид дунд

"Хэн хамгийн олон хотдог, бургер идэх вэ?",

"Аавтайгаа хамт",

Зайрмагны баяр,

Айрагны баяр зэрэг уралдаан, хөгжөөнт тоглоом, урлаг соёлын хөтөлбөрүүд, хоол урлалын сонирхолтой үзүүлбэрүүд зохиогдоно.

Нийслэлчүүд иргэд та бүхнийг энэ амралтын өдрүүдэд Үндэсний соёл амралтын хүрээлэнд хүрэлцэн ирж амтат хоол зооглон амралт, чөлөөт цагаа хөгжилтэй дурсамжаар дүүрэн өнгөрүүлэхийг урьж байна