САНГИЙН ДАЛАЙ НУУРАНД ҮХСЭН 3200 ГАРУЙ ШУВУУНЫ СЭГ ЗЭМИЙГ ЦЭВЭРЛЭЖЭЭ

Говь-Алтай аймгийн Хөхморьт суманд орших Сангийн далай нууранд үхсэн 3216 шувууны сэг зэмийг устгасан байна. Анх энэ дуудлага энэ сарын 15-ны өдөр ирж аймгийн онцгой байдлын алба хоёр ээлжээр ажиллан 21-ний өдөр буюу өчигдөр бүрэн устгаж дуусжээ.Үхсэн шувууны 63 хувь нь ангир, 11.4 хувь нь цахлай, 19.3 хувь нь нугас, зургаан хувь нь бор галуу, 0.2 хувь нь болжмор байжээ. Сэг зэмийг Улсын мал эмнэлгийн ариун цэврийн төв лабораторид шинжлүүлэхэд ямар нэгэн өвчнөөс болж үхээгүй гэдгийг тогтоосон байна. Анхан шатны дүгнэлтээр нуурын ус болон идэш, тэжээлтэй нь холбоотой байж магадгүй байгаа юм. Устгах ажилд аймгийн Онцгой комиссын сангаас 3.2 сая орчим төгрөг зарцуулжээ