ЯАМДААС СОГТУУРУУЛАХ УНДАА ИЛЭРЧЭЭ

ЗТХЯ-ны Газрын дарга нар албан өрөөндөө архидаж, нэгнийхээ аминд хүрсэн онц ноцтой хэрэг нийгмийг цочроож, төрийн албынхныг хариуцлагаа чангатгахыг сануулсан. Улмаар төрийн тусгай хамгаалалтын албаныхан, Засгийн газар, нийслэлийн Засаг дарга ч архи, согтууруулах ундааг ажлын байранд авч орох, албан шүүгээнд байлгахыг хатуу хориглоод буй юм.

Энэ хүрээнд өнгөрсөн долоо хоногт яам, агентлагуудад "гэнэтийн шалгалт" явуулжээ. Шалгалтаар зарим яамдаас шалгахад архи, согтууруулах ундаа илэрсэн байна. Яам, агентлагаасаа хамаарч, согтууруулах ундааны хэрэглээ ч онцлогтой байсныг тогтоожээ. Тухайлахад, ХХААХҮЯ-ныхан үндэсний үйлдвэрлэлийн "дэмждэг", бол ГХЯ-ныхан импорын барааны хэрэглээтэй байх жишээтэй. Цаашлаад гэнэтийн энэ шалгалтад ГХЯ-ны Төрийн нарийн бичгийн дарга өртөж, албан өрөөндөө архидан согтуурч байгаад үйлдэл дээрээ баригдсан гэх мэдээлэл гараад байна