МОНГОЛ ЖОЛООЧ НАР ОХУ-Д ЗОРЧИХДОО ХУУРАМЧ ДААТГАЛЫН ЗӨРЧИЛ ИХ ГАРГАДАГ

Энэ оны эхний найман сарын дүнгээр ОХУ-ын гаалийн ажилтнууд жолоочийн хариуцлагын даатгалгүй явсан 1700 удаагийн зөрчлийг монголчуудаас илрүүлжээ. ОХУ-ын нутагт өөрийн машинаар зорчиж байгаа гадаадын иргэн тухайн улсын стандартад нийцсэн жолоочийн хариуцлагын даатгалд заавал хамрагдсан байх ёстой гэж хуулиндаа заасан байдаг аж.

Харамсалтай нь ОХУ-д зорчиж буй монгол жолоочид уг хуулийг зөрчсөн үйлдэл ихээр гаргадаг байна. Буриадын БНУ-ын Гаалийн албаны мэдээлснээр өнгөрсөн долдугаар сард гэхэд Оросын хилийг нэвтсэрсэн монгол жолоочдын 171 нь даатгалгүй байжээ. Үүгээр ч зогсохгүй хуурамч даатгал үзүүлэн хил, гаалийн ажилтнуудыг хуурах гэсэн үйлдлийг олон гаргадаг гэнэ. Тухайлбал, 2018 оны гуравдугаар сард Хиагтын боомтын ажилтнууд хуурамч даатгалаар хил нэвтрэхийг оролдсон 45 зөрчлийг илрүүлжээ. Хэрэв жолоочийн хариуцлагын даатгалгүй, эсвэл хуурамч даатгалтай явах үедээ ОХУ-ын нутаг дэвсгэрт осол гаргавал учирсан хохирлыг тухайн жолооч бүрэн төлж барагдуулах хуультай гэдгийг ОХУ-ыг зорьж буй монгол жолоочиддоо сануулья