БАЯН-ӨЛГИЙД УЧИРСАН ХОХИРЛЫГ АРИЛГАХАД УЛСЫН ТӨСВӨӨС 1.3 ТЭРБУМ ТӨГРӨГ ГАРГАНА

Үерийн улмаас Баян-Өлгий аймгийн Өлгий сумын долоон багийн 530 айлын 2500 гаруй хүн гамшигт нэрвэгдсэн. Гурван иргэн бэртэж гэмтэн, 287 байшин бүрэн нурж, гэр, хашаа, байшин усанд автсан байна. Тус суманд учирсан хохирлын хэмжээ урьдчилсан байдлаар 15.6 тэрбум төгрөгт хүрээд байгаа аж.

Үүний дагуу Засгийн газрын хуралдаанаар 540 гаруй сая төгрөгийн 468 саяыг Засгийн газрын нөөц сангаас, үлдэх хэсгийг аймаг, сумын нөөц сангаас гаргах шийдэлд хүрсэн байна. Мөн Өлгий сумын үерийн хамгаалалтын даланг шинэчлэх ажлаа шуурхайлахыг аймгийн Засаг даргад үүрэг болгожээ.

Дашрамд дуулгахад, улсын нөөцийн сангаас өмнө нь 80 гэр, ус тээвэрлэгч, бохирын болон түргэн тусламжийн автомашин, дугуйт ачигч зэрэг техникийн тусламж үзүүлсэн. Мөн Дэлхийн зөн-Монгол, МУЗН, Адра, Каритас олон улсын хүмүүнлэгийн байгууллага 115 мянган ам.долларын үнэ бүхий хандив өгсөн юм