СЭРЭМЖЛҮҮЛЭГ: ТОМ, ЖИЖИГ ГОЛУУДЫН УСНЫ ТҮВШИН НЭМЭГДСЭН БАЙНА

Ихэнх нутгаар хэдэн өдөр үргэлжлэн орсон борооны улмаас том жижиг голуудын усны түвшин нэмэгдсэн байна.Тодруулбал, Цаг уур орчны шинжилгээний байгууллагаас ирүүлсэн мэдээллээр өнөөдрийн байдлаар Хэнтийн нуруунаас эхтэй Балж, Онон, Хэрлэн, Алтай нуруунаас усжих Ховд, Увс нуурын савын Хархираа зэрэг голуудын усны түвшин нэмэгдсэн байна.Мөн өнөөдөр баруун болон төвийн аймгуудын зарим газар, говь болон зүүн аймгуудын нутгаар, маргааш зарим газраар түр зуурын усархаг бороо орохыг анхааруулав.

Иймд иргэд, аж ахуйн нэгж, байгууллагууд амралт, чөлөөт цагаа өнгөрүүлэхдээ гол, усны ойролцоо амарч зугаалахгүй байх, бага насны хүүхдэд тавих хараа, хяналтаа сайжруулах, голын эрэг дагуу хүүхдийг явуулахгүй, тоглуулахгүй байх, аян замд явахдаа сайн мэдэхгүй гол мөрний усанд орохгүй байх, тээврийн хэрэгслийн жолооч нар баталгаатай зам, гүүрээр зорчиж гол усанд унах, осолдох эрсдэлээс урьдчилан сэргийлэхийг зөвлөж байна