МОНГОЛ ТУРКИЙН СУРГУУЛИЙН ЗАХИРЛЫГ ХУЛГАЙЛАХ ОРОЛДЛОГО НЬ БҮТЭЛГҮЙТЖЭЭ

Монгол, Туркийн хамтарсан "Улаанбаатар элит" сургуулийн дэд захирал Вейсел Аксайг өчигдөр өглөө 09.40 цагийн орчинд үл таних этгээдүүд Сүхбаатар дүүрэг дэх Циркийн хажууд гэрээсээ гарахад нь хулгайлсан хэрэг өчигдрийн дуулиан шуугиан байлаа.

Энэ тухай мэдээллийг өчигдөр тус сургуулийн ерөнхий захирал Д.Ганбат олон нийтэд мэдээлснээр ил болсон юм. Тэрбээр Сүхбаатар дүүргийн цагдаагийн нэгдүгээр хэлтэст хандсан бөгөөд 14.00 цагт Чингис хаан нисэх онгоцны буудал руу хөдөлсөн. Учир нь, Туркийн тагнуулын байгууллага Вейсел Аксайг хувийн онгоцоор авч явах гэж байна гэж тэр мэдэгдсэн. Туркээс гурван онгоц ирж нисэх буудал дээр олон цаг болоод орой 21.20 цагийн үед хэнийг ч авч явалгүй, хэн ч үлдэлгүй гурван онгоц хөөрсөн байна.

Харин хулгайлагдах шахсан Вейсэл Аксай Эрүүгийн цагдаагийн газарт өдөржин хамгаалалтад байж байгаад онгоцуудыг явсны дараа эмнэлэгт очиж биеийн байдлаа үзүүлчихээд гэртээ харьсан байна.

Туркийн хэд хэдэн хэвлэлд Монголын тагнуулын байгууллагын тусламжтайгаар түүнийг хулгайлж, авчрах гэж байсан тухай мэдээлсэн байна. Гэхдээ удалгүй тэр мэдээллээ устгажээ. Захирал Вейсел Акчайгийг хулгайлсан гэх этгээдүүдийг цагдаагийнхан баривчилж, мэдүүлэг авч эхэлсэн байна.

Тэрээр дараа нь өөрийн твиттер хуудсаараа дамжуулан дараах мэдэгдлийг хийжээ.

Veysel Akçay: "Bu sıkıntılı zamanda Moğol kardeşlerimize çok teşekkür ediyoruz. 24 yıl burada neden durduğumu şimdi daha iyi anlıyorum. #ThankYouMongolia