МАЛДАА ЯВААД СУРАГГҮЙ БОЛСОН ИРГЭНИЙГ ХАЙЖ БАЙНА

Долдугаар сарын 20-ны өдрийн 08:50 цагт Булган аймгийн Онцгой байдлын газарт Хутаг-Өндөр сумын Тээл багийн "Хагийн-Ам" гэдэг газар /аймгийн төвөөс баруун хойд зүгт 175 км-т, сумын төвөөс баруун хойд зүгт 25 км-т/ долдугаар сарын 18-ны өдрийн 09:00 цагт тус сумын харьяат иргэн Л.Болдбаатар /50 настай, эрэгтэй/ малдаа яваад сураггүй алга болсон тухай дуудлага иржээ.

Тус дуудлагын дагуу Булган аймгийн Онцгой байдлын газрын 4 алба хаагч 1 автомашин, Цагдаагийн газрын 3 алба хаагч, 1 автомашин, ар гэрийн 45 хүн, 4 автомашин, 3 мотоцикль, нийт 52 хүн, 9 техник хэрэгсэлтэйгээр ажиллаж, долдугаар сарын 23-ны өдрийн байдлаар Хутаг-Өндөр сумын Хонгор багийн "Нам даваа", "Намнангийн-Ар" гэдэг газруудаар 20 км-т самналт хийж, 20:10 цагт түр зогсоосон байна. Долдугаар сарын 24-ний өдрийн 07:00 цагт эрэн хайх ажиллагааг дахин эхлүүлжээ.