"ТOКИО-2020" ОЛИМПИЙН НААДМЫН ТАСАЛБАРЫН ҮНЭ ТОДОРХОЙ БОЛЛОО

''Токио-2020'' олимпийн наадмыг зохион байгуулах хорооноос наадмын тасалбарын үнийг зарлажээ. Одоогийн байдлаар тус хорооны албан ёсны сайтад 50 мянга гаруй хүн бүртгүүлсэн байна. Тасалбар 2019 оны хавар зарагдаж эхлэх ажээ.

Худалдаанд гарах нийт тасалбарын тал хувь нь найман мянган иенээр /173 мянга 520 төгрөг/ зарагдах юм байна. Үүнээс гадна, олимпийн нээлтийн тасалбарыг сургууль, төрийн мэдлийн захиргааны нэгжүүдэд хямдралтай үнээр борлуулах ажээ.

Нээлт, хаалтын ёслолын тасалбарын үнэ 12,000- 300,000 иен /260.000-6.600.000 мянган төгрөг/

Тэмцээн тус бүрийн тасалбарын үнэ/ төрлөөсөө хамаараад/- 2500-130,000 иен буюу /54.300-2.820.000 мянган төгрөг/

Гэр бүл, сургууль, ахмад настнууд, хөгжлийн бэрхшээлтэй хүмүүсийн гэр бүлд зориулсан багц тасалбар 2020 иен /44.000 төгрөг/ байх аж.

Тасалбарыг албан ёсны вебсайтаар дамжуулан онлайн хэлбэрээр худалдаалах бөгөөд тасалбар худалдаж авахын тулд эхлээд бүртгүүлэх шаардлагатай юм байна.