42-Р ТОЙРОГТ ЯВАГДАХ НӨХӨН СОНГУУЛИЙН ХОРООГ БАЙГУУЛЛАА

Монгол Улсын Сонгуулийн Ерөнхий Хороо Улсын Их Хурлын сонгуулийн 42 дугаар тойрогт явагдах нөхөн сонгуулийн бэлтгэл ажлын төлөвлөгөөг хэлэлцэж баталлаа. Түүнд, сонгуульд бэлтгэх ажил болон сургалт, сурталчилгаа, сонгогчдын боловсрол, сонгуулийн автоматжуулсан системийн бэлтгэлийг хангахтай холбоотой нийт 50 орчим асуудлыг хэрэгжүүлэхээр тусгасан байна.Хуралдаанаас мөн 42 дугаар тойрогт явагдах нөхөн сонгуулийг зохион байгуулахтай холбоотой ажлын цаг хугацааны хуваарийг нарийвчлан гаргаж, нөхөн сонгуулийг зохион байгуулах Хэнтий аймгийн сонгуулийн хороог 9 хүний бүрэлдэхүүнтэй байгууллаа.

Энэ тухай СЕХ-ны тогтоолд, тус тойрогт хамаарах сумдын сонгуулийн хороог Сонгуулийн тухай хуульд заасны дагуу байгуулж ажиллуулах, сонгуулийн тухай хууль тогтоомжийг үйл ажиллагаандаа чанд мөрдөж ажиллахыг Аймгийн сонгуулийн хороонд даалгасан байна.

УИХ-ын сонгуулийн 42-р тойрот нөхөн сонгуулийн санал хураах ажиллагаа 10-р сарын 07-н өдөр явагдах юм.