ЭРДЭМТЭД ХОРТ ХАВДАР ТОМУУ ТӨСТ ӨВЧНИЙГ ЭДГЭЭХ ШИНЭ ГЕН ИЛРҮҮЛЖЭЭ

Австралийн Үндэсний шинжлэх ухааны агентлаг /CSIRO/ халдварт өвчин, бие мах бодийн дархлааны хариу урвалыг зохицуулахад чухал үүрэг гүйцэтгэдэг шинэ генийг нээн илрүүлжээ. АНУ-ын Биохимийн хүрээлэнгээс гаргадаг эрдэм шинжилгээний сэтгүүлд нийтэлснээр тус ген нь томуу, хорт хавдар, үе мөчний үрэвслийг анагаах, сэргийлэх үүрэгтэй хэмээн өгүүлжээ. Судалгааны ажил үргэлжилж буй бөгөөд шинээр илрүүлсэн генийг C6orf106 эсвэл С6 гэж нэрлэхээр тогтсон байна. Энэхүү ген нь чихрийн шижин, хорт хавдар, үе мөчний үрэвслийн эсрэг дархлаатай байна.

Судалгааны багийн ахлагч Камерон Стюарт "Бидний дархлааны системд вирус болон бусад эмгэг төрүүлэгчдийг үүсэхээс сэргийлсэн цитоксин хэмээх бодис байдаг. Харин С6 нь энэхүү үйл явцыг дэмжих замаар дархлааны системийн үйл ажиллагааг зохицуулдаг. Тийнхүү зохицуулсан цитоксинууд нь янз бүрийн халдварт өвчин, хорт хавдар, чихрийн шижин, рематойд, үе мөчний үрэвслийн эмгэгүүдээс сэргийлэх үндэс болдог"гэв.

Хэдийгээхр хүний биеийн генийг 2003 онд бүхлээр нь судалж, тодорхойлсон ч гэлээ бидний таньж мэдээгүй хэдэн сая ген байхыг үгүйсгэхгүй хэмээн судлаач Реббекка Амброз өгүүлжээ. С6 нь таван зуун сая жилийн өмнөөс хүний бие мах бодийг бүрдүүлэгч нэгэн хэсэг болсон ч генийн ач холбогдлыг одоо л нээн илрүүлж байгаа аж.

Эх сурвалж: Xinhua