СЭРЭМЖЛҮҮЛЭГ: ДАХИАД БАГА НАСНЫ ГУРВАН ХҮҮХЭД ГОЛД ЖИВЖ АМИА АЛДЛАА

Урин дулаан цаг ирэхээр бага насны хүүхдүүдээ усанд урсгаж амийг нь хохироодог улс гээд хэлэхэд нэг их буруудахгүй болов уу.Дандаа эцэг эхчүүдийн хараа хяналтгүй сул байдлаас болж, бага насны хүүхдүүд голын усанд живж эндээд байна. Хэдхэн хоногийн өмнө хоёр хүүхэд усанд осолдсон бол дахиад гурван хүүхэд голд живж нас барсан харамсалтай мэдээ байна.Тодруулбал, цагдаагийн байгууллагаас ирүүлсэн мэдээллээр энэ сарын 20-ны байдлаар Баян-Өлгий аймаг Цэнгэл сум Харгантын голд 3, 4 настай 2 хүүхэд, Ховд аймгийн Алтай сумын Шар хөтөл гэдэг газар 4 настай хүүхэд Мангиртын голд унаж нас барсан харамсалтай хэрэг гарсан байна.Хэргийг харьяа аймгуудын цагдаагийн хэлтсээс шалгаж байгаа аж. Хүүхдүүдийн амралт эхэлсэн хүүхдүүд сул чөлөө ихтэй байгаа учраас аливаа эрсдэлд өртөх магадлал ихссэн. Иймд эцэг эхчүүд хүүхдүүддээ тавих анхаарлаа улам сайжруулах шаардлагатайг цагдаагийн байгууллагаас сэрэмжлүүлж байна