ОРОСЫН ШИГШЭЭ БАГ САУДЫН АРАБЫГ БУТ НИРГЭЛЭЭ

Хөлбөмбөгийн ДАШТ-ий нээлтийн тоглолт Улаанбаатарын цагаар 23:00-д "Лужники" цэнгэлдэхэд ОХУ-Саудын Арабын хооронд боллоо. Энэхүү тоглолтын ОХУ-ын Ерөнхийлөгч В.Путин үзэж сонирхов. Тоглолтын туршид Саудын Арабын шигшээ баг бөмбөг илүүтэй эзэмшсэн ч ОХУ-ын гоолын санаачлага илүү байж, 5:0-ын харьцаатайгаар бут ниргэв. Тус тоглолтын гол баатраар Александр Головин болон Дмитрий Черышев нар тодорлоо. ОХУ-ын шигшээ багт нэгэн таагүй байж болох мэдээ нь довтлогч Алан Загаев гэмтэл авсан явдал юм. Гэвч энэхүү тоглолтын дараа ОХУ-ыг хэсгээс гарах боломжоо хамгийн сайн хангаж чадлаа гэж дүгнэж байна. А хэсгийн нөгөө хоёр баг болох Уругвай, Египетийн багийн тоглолт өнөөдөр Улаанбаатарын цагаар 21:00 цагт эхлэх юм.

ОХУ – Саудын Араб 5:0
Гоол: Газинский 12, Черышев 43, 90, Зюба 71, Головин 90

ОХУ: Акинфеев, Фернандес, Кутепов, Игнашевич, Жирков, Газинский, Зобнин, Самедов (Кузяев, 64), Загоев (Черышев, 24), Головин, Смолов (Зюба, 70).
Саудын Араб: Аль-Маюф, Аль-Брейк, Хаусауи, Хаусауи, Аль-Шахрани, Отайф (Аль-Муваллад, 64), Аль-Шехри (Бахебри, 74), Аль-Жассим, Аль-Фараж, Аль-Досари, Аль-Сахлауи (Ассери, 85).
Шар хуудас: Головин (88), Аль-Жассим (90).