МОНГОЛ УЛС УСНЫ НӨӨЦГҮЙ БОЛОХ МАГАДЛАЛ ӨНДӨР

Сүүлийн жилүүдэд байгалийн уур амьсгалын өөрчлөлт, хүний буруутай үйлдлээс болж Монгол орны гол горхи, булаг шанд олноор ширгэж байгаа талаар холбогдох газруудаас тоо судалгаа гаргасан байгаа юм.

Монгол Улс цэвэр усны нөөцгүй болох улс орнуудын тоонд ч дээгүүр орсон байгаа талаар мэдээлэл бий. Тэгвэл ямар учраас ус багасч, гол горхи ширгэж устаад байна. Үүнд салбар хариуцсан яам, агентлаг газрууд юу хийгээд байна, үр дүн, үр нөлөө юу байна гэдэг нь их чухал болчихоод байна.

Тухайлбал, энэ жил БОАЖЯ-наас Усны агентлаг, ойн газрын агентлаг байгуулахаар ажиллаж байгаа талаар салбарын сайд нь ярьжээ. Мөн түүнчлэн манай улсад усны чиглэлээр үйл ажиллагаа явуулдаг 1000 гаруй төрийн болон төрийн бус байгууллага байдаг гэсэн тоог гаргажээ. Тиймээс тэднээс өнгөрсөн хугацаанд юу хийсэн, ямар ажил хийсэн талаар салбарын сайд Н.Цэрэнбат хариуцлага нэхэхээр боллоо.