13 НАСТАЙ ХҮҮ ШИНЭ УТАС АВАХ ГЭЖ БАРЬЦААЛАГДСАН ДҮР ЭСГЭЖЭЭ

Тавдугаар сарын 3-ны 17 цагийн үед Шао Жүн хүний утаснаас ээж рүүгээ залгаж "Ээж ээ, ээж ээ" хэмээн орилоод эх нь чухам юу болоод байгаад ойлгохын завдал өгөлгүй дахин нэг хашгираад утсыг тасалжээ. Түүнээс гурван цагийн дараа дахин ээж рүүгээ залгаад цурхиран уйлж вокзал явж байхад нь хулгайлчихлаа хэмээн хэлсэн байна.

Төдөлгүй эмэгтэй хэрвээ 50 мянган юань өгвөл хүүг нь эсэн мэнд буцаан өгье гэдэг мессеж "барьцаалагч"-аас авчээ. Шао Жүн хүч нэмэхийн тулд амандаа алчуур чихсэн зургаа ээж руугаа илгээсэн гэнэ. Харин ээж нь шаардсан мөнгийг өгөхөө амлаад цагдаагийн газрыг зорьжээ. Энэ үеэр хүү дахин залгаж дөрвөн эрэгтэй хүн түүнийг хүлээд орон орхичихлоо гэж хэлсэн байна. Цагдаа нар хулгайлсан хүнээ гар утастай ганцааранг нь орхидог барьцаалагч хаана ч байхгүй гэдэг логикоор сэжиг авчээ.

Хүүг хоёр өдөр хайсны эцэст гэрээс нь нэг цаг явах зайтай газар орших зочид буудлаас олжээ. Хүү эцэг, эх нь тоохгүй болохоор ингэж анхаарлыг нь татах гэж оролдсон хэмээн цагдаад мэдүүлсэн байна. Хүү авсан мөнгөөөрөө шинэ гар утас авах гэсэн аж. Хүүг шийтгэсэн эсэх нь тодорхойгүй байна