МАШИН АЧИГЧ НАР ЦАГДААГИЙН АЛБА ХААГЧДЫГ ХЭЛ АМААРАА ДОРОМЖИЛСОН УУ

Сүхбаатар дүүргийн Цагдаагийн хэлтсийн гадаа зам дээр зогссон цагдаагийн машиныг ачих гэсэн ачилтын машины ажилтнуудыг 10 гаруй цагдаа нар нийлж зодож, цагдаагийн байр руугаа авч орсон талаарх мэдээлэл цахим сүлжээнд хүчтэй тараад байна.Энэ зүй бус үйлдлийг харсан хүмүүс цагдаа нарыг "Ямар дээрэлхүү харьцаж байна. Шууд цохиод л газар унагаагаад л. Бүдээрээ тойрч бүчиж, чирч гулдраад л, дамжлаад л. Бичлэг хийж байгаа хүмүүсийн утсыг хурааж бичлэгийг нь устгана гээд" хэмээн бичсэн иргэн фэйсбүүк хуудастаа бичлэг оруулжээ.Цагдаагийн ерөнхий газраас тодруулахад "Ийм асуудал хоёр долоо хоногийн өмнө болсон. Сүхбаатар дүүргийн цагдаагийн хэлтсийн дуудлагад явдаг шуурхай албаны автомашиныг ачилтын машин ачих гэсэн юм билээ. Цагдаа нь гарч ирээд ийм учир шалтгаантай шуурхай албаны машин гэж тайлбарлатал тэр залуу өөдөөс нь цагдаа нарыг хэл амаар доромжилж, хараалын үгс урсгасан учраас хэлтэс рүү орж асуудлаа шийдье гэсэн юм билээ. Гэтэл орохгүй гэж эсэргүүцлээ илэрхийлсэн тул чирсэн асуудал гарсан байсан. Тухайн асуудлыг цагдаагийн байгууллагаас ачилтын компанийн холбогдох хүмүүстэй уулзаж шийдвэрлэсэн" гэв