Л.ЧИНБАТ, Л.ГҮНДАЛАЙ НАРЫН ГЭРЭЭС ҮНЭТ ЭДЛЭЛ ХУЛГАЙЛСАН ЭТГЭЭДҮҮДЭД ЯЛ ОНООВ

Өнгөрсөн оны нэгдүгээр сард Хан-Уул дүүргийн хоёрдугаар хорооны нутаг дэвсгэр, Нүхтийн амны айлуудад хулгай орж, алтан бурхан, үнэт эдлэл зэрэг нь алдагдсан хэрэг гарч байсан. Тодруулбал, Нүхтийн аманд байрлах "Гачуурт"-ын Л.Чинбат, УИХ-ын гишүүн асан Л.Гүндалай нарын зургаан айлд БНСУ-ын иргэн Пак гэгч нь Монгол иргэнтэй нууцаар нэвтэрч, алтан бурхан, үнэт эдлэлийг хулгайлсан байдаг.

Уг этгээдүүдэд холбогдох шүүх хурал өчигдөр болж, Солонгос иргэн Пакт долоон жилийн хорих ял, монгол иргэнд таван жилийн хорих ял оноожээ. Тэд дээрх айлуудын цонхыг нь хагалж нэвтэрч, үнэт эдлэлийг нь хулгайлан мөн айлуудын дохиоллын систем, хяналтын камерын бичлэгийг устгасан. Улмаар хулгайлсан эд зүйлсээ контейнэрт ачин, гурав хоногийн дараа хил давуулах гэж байхад нь Монголын цагдаа нар мэргэжлийн ур чадвар гарган илрүүлэн баривчилсан байдаг