ГОВЬ-АЛТАЙ АЙМАГТ ХҮМҮҮС МАЗААЛАЙТАЙ ТААРЧЭЭ

Өчигдөр Говь-Алтай аймгийн төвөөс 45 км-ийн зайтай газарт мазаалай явж байгаатай хүмүүс таарчээ. Аймгийн төвийн байгаль орчныхон очиж мазаалайг хамгаалалтад авсан байна.Өнгөрсөн жилийн өдийд мөн тус аймгийн Цогт суманд ганц мазаалай нутгийн иргэдтэй таарсан талаар мэдээлж байсан билээ.

Тодруулбал, Говь-Алтай аймгийн Цогт сумын нутаг Баянтоорой тосгон дахь Говийн их дархан цаазат газрын хамгаалалтын нутагт Монголдоо төдийгүй дэлхийд нэн ховор мазаалай баавгай амьдардаг юм. Мазаалай хоол тэжээл, ус ховор үед ийнхүү тал руу бууж ирдэг талаар ч ГИДЦГ-ын ажилтнууд ярьж байна. Мазаалай баавгай хоол хүнс хайх, мөн залуу эр мазаалай өөрийн эзэмшил нутаг хайх зэргээр алс хол явдаг гэнэ.Дашрамд сонирхуулахад дохиолол зүүсэн нэг мазаалай 2015 онд хилээр гарч Хятадын нутгийн гүнд 200 км нэвтрээд есдүгээр сард эргэн ирж Атас богдын ууланд агуйд ичээлж байжээ