ХАВРЫН ТАРИАЛАЛТ 80 ХУВЬТАЙ ЯВАГДАЖ БАЙНА

Тариалалтын штабаас зургадугаар сарын 5-ны байдлаар улсын хэмжээнд хаврын тариалалт 80 хувьтай явагдаж байна хэмээн мэдээлжээ. Тодруулбал, 322.6 мянган га-д үр тариа / 78.9 хувь/, 10.8 мянган га-д төмс / 69.9 хувь/, 5.5 мянган га-д хүнсний ногоо /65.4 хувь/, 40.0 мянган га-д тосны ургамал /95.6 хувь/ буюу нийт 399.8 мянган га-д тариалалт хийсэн байна.

2018 онд улсын хэмжээнд

-408.9 мянган га-д үр тариа (үүнээс 390.4 мянган га-д улаанбуудай),

-15.5 мянган га-д төмс,

-8.5 мянган га-д хүнсний ногоо,

-32.0 мянган га-д тэжээлийн таримал,

-41.9 мянган га-д тосны ургамал,

-6.5 мянган га-д жимс жимсгэнэ, нийтдээ 513.2 мянган га-д тариалалт хийнэ.

Засгийн газрын шийдвэрийн дагуу импортын нэг тонн элит үрийг 660 мянган төгрөг, нэгдүгээр үржүүлгийн үрийг 620 мянган төгрөг, дотоодын ургацаас нөөц бүрдүүлсэн сортын үрийг 570 мянган төгрөгөөр тус тус худалдаалахаар тогтжээ. Түүнчлэн тариалан эрхлэлтийг дэмжих сангаар дамжуулан 560 гаруй аж ахуйн нэгж, иргэнд 27.8 мянган тонн буудайн үрийг Төв, Хэнтий, Дорнод, Сүхбаатар аймгийн тариаланчдад 10 хувь, бусдад нь 30 хувийн урьдчилгаатай олгож байгаа аж.